قصيدة ( مش بالغصب )

 

شابه سكناني وكأني ،
خدت طابع الحسن منها
وواخده عند النفس مني
بتشاركني رفضي ليهُم
وتقاسمنِي في التمنِي
بيقولولها عِيشي واهنِي
تُنفض الأغراب تحدِي !
ـ طبعي .. طبعِك ده قاسىِ ؟
ـ القميص دَه مش مقاسي
لبسوهلِى لَجْلْ أماشىِ
والخلايق قهـ قهـ ت لي !
قالت أنتي فاكره لمَّا
انهزمنا وانتصرنا ؟
قُلت لما .. مين بينسىَّ ؟!
اللي ينسىَّ يا رب يعمَّى !
بس (لما) كَمِمُه وعليه ما سمىَّ !
واحنا لسه.. كل ذكرانا في بالنا
لما قلنا الأرض عرض
انتفضنا و الملايكه أيد بأيد وجهاد وفرض !
القرار كان حُر واعي وكلمة المدنة نشيد !!
(الله أكبر)
شقت المعبر تجلجل في لفضا
وفيهُم .. تبيد !
الجبين نَوَرْ ساعتها وانمحىَ مِن الخارطة عار
دمنا الحُر سَرَّى تحت الثرَّى ورفع الديار
لبست الأميرة طرحه ونورت بيتنا ووادينا
فجأة قالوا طبعوا !
مع اللي جَزوا ودَبحوا فينا !
ويقولولِنا عيشوا واهْنُوا !
الهناوه منين تجينا ؟!
و(الشلوم) مدسوس علينا ؟!
الشعوب تصرخ وتِهوِي !
حَيي عَ القومية حَيي
كام ( يا لهوِي ) ؟
وكام ( يا لهوى ) ؟!
بعد كل مَ عملوا فينا ؟!!!
أحفروا الصحرا تلاقوا
أحلى عرسانا ف كفنهُم
ساخطة مِ الغدر وحزينة
في أي عُرف وأي دينا ؟!
لو نسيتوا ما جرَّى ؟
الدفاتر أهي وأدينا !
لسَّه فاكرين كل لحظة
ما يوم نسينا !
يا للي بتذِنُوا علينا .. طبعوا انتوا
أما إحنا ورحمة أمي
ما هتلاقونا .. ولا بإيدينا
ـــــــــــــــــ

تحياتي للجميع

( من ديوان مش بالغصب )
)